БЛОГ

Колку „стара“ смее да биде новата гума?

Дали и колку е релевантен датумот на производство на гумата

Некогаш може да се најдеме во ситуација да ни понудат нови гуми чиј датум на производство е 1, 2 или повеќе години пред денот на кој ја добиваме понудата (значи новата гума е складиштена 1, 2 или повеќе години во моментот кога ја купуваме).

Дали е тоа во ред или тоа значи дека гумата веќе не е како што треба да биде?

Некои купувачи инсистираат на „тазе“ произведени гуми, а некои, пак, воопшто не се информирани на оваа тема.

Да видиме како се гледа датумот на производство на гумите.



DOT број и датум на производство

Секоја гума има т.н. DOT број (код), кој меѓу другото, го покажува и датумот на производство.  Последните 4 цифри од DOT кодот ја покажуваат неделата и годината на производство на гумата.  На примерот од сликата тоа е 3909.

Тoa се броевите кои нас не интересираат.  Овие броеви значат дека гумата е произведена во 39-тата недела од 2009та година.  Ако имаме во предвид дека годината има 52 недели (365 дена : 7 = 52,14), ќе знаеме дека 39-тата недела е во втората половина на годината и тоа веќе негде кон крајот.


Е сега доаѓаме до главната тема, дали нови гуми чиј датум на производство е 1 или 2 години пред денот на купување – се добри за возење и дали е паметно да се купат такви гуми.

Препораките на производителите на гуми се дека, се додека гумата се чува на темно место, во правилна позиција и заштитена од влијание на хемикалии, сосема прифатливо е новата гумата да е со датум на производство до 5 години од датумот на купување (Goodyear).  Да сумираме:

Ако во ноември 2023г купите гуми произведени во ноември 2018год., тие ќе имаат полна фабричка гаранција од 3 години!

Нивото на значење на датумот на производство е толку преценет од некои продавачи на гуми, што им е несфатлив податокот дека при набавката на гуми од фабрика, воопшто не е возможно да се добие ни информација за датумот на производство на гумите, ниту пак да се преферира одреден датум на производство. Имајќи го погоре кажаното во предвид, сосема е разбирливо дека производителите се доволно комотни и сигурни во квалитетот на гумите, базирано на научни и искуствени факти, што овие податоци не се предмет на дискусија. Затоа и даваат полна фабричка гаранција од 3 години и за гума складиштена 5 години.

На пример Goodyear Dunlop Sava Tyres корпорацијата (која е производител на брендовите Goodyear, Dunlop, Fulda, Sava, Debica, Voyager, Kelly, Diplomat) има едноставно правило:  тие испорачуваат гуми „не постари од 2 години“ (иако во пракса многу ретко се случува од фабрика да се испорача гума постара од 6 месеци, но правилото е тоа!).

Потоа, во складиштето на увозникот/дистрибутерот гумите ќе поминат уште одреден период додека да се најдат намонтирани на Вашите тркала, а се додека тој период е до 5 години од денот на производство, Вие сте безбедни.

Затоа, инсистирањата да добиеме „тазе“ произведени гуми можат да најдат оправдување само во околноста дека со возилото поминуваме нестандардно мал број на km годишно, и гумите попрво ќе „остарат“ (над 6 години намонтирани на возило, т.е. “во функција”) одошто ќе се потрошат.  А праксата покажува дека ваквите случаи се веројатно помалку од 1%. 

Истражување:  гума од залиха или гума од фабрика

Полската асоцијација на гумарската индустрија во 2021г го ангажираше TUV SUD за да направи истражување дали и колку гумите со постар датум ги губат своите својства.   

Заклучокот од ова истражување е дека “времетраењето нема влијае врз функционирањето на гумите на никаков начин, напротив – просечниот резултат од тестот, за две и пол години правилно складирани гуми, беше дури и за нијанса подобар отколку за оние директно од производствената линија!” 

Деталите на ова истражување може да ги прочитате на следниот линк

 

И, не заборавајте дека гаранцијата важи од денот на купување, а не од денот на производство на гумата.

Со оглед на тоа, следен пат кога ќе купувате гуми, не грижете се ако гумата е произведена една или две години пред актуелната, бидејќи тоа се смета за нормална работа во овој бизнис, а од друга страна – нема да има никаков ефект врз нивните перформанси, ниту врз Вашите гаранциски права. 

Погрижете се да добиете писмена гаранција со полна важност, и купете ги гумите од добар сервис кој ќе гарантира квалитетна монтажа и ќе стои зад издадената гаранција.

Tranzit dooel e kompanija koja funkcionira poveke od 30 godini i e ovlasten uvoznik i distributer na poveke svetski poznati brendovi. Za site Vasi potrebi od gumi, bilo da se letni gumi, zimski gumi ili gumi za site sezoni, pobarajte go nasiot prodazen tim koj ke Vi obezbedi dobar sovet i preporaki za potrebite na Vaseto vozilo.